Azərbaycanın neft və qaz sənayesi inqilabına dəstək
Koronavirusun bütün dünyada yayılmağa başladığı bir dövrdə neftin qiymətinin aşağı düşməsi səbəbindən Neft və Qaz sənayesinə böyük zərbə dəydi. İndi yeni yaşayış normalarına qədəm qoyduqca və COVİD pandemiyasından sonrakı dünyaya nəzər saldıqca əsas diqqətimizi böyük sənaye sıçrayışı üçün potensial imkanlar yaradan ölkələrdən biri olan Azərbaycana ayırmağa başlayırıq.
Azərbaycan dünyanın ən qədim neft istehsal edən ölkələrindən biridir. Bu ölkə bir vaxtlar 20-ci əsrin əvvəllərində dünyanın neft tədarükünün yarısını hasil edirdi. Lakin son dövrlərdə tədricən qaz tədarükünün mühüm ixracatçısına çevrildi.
Azərbaycanda ilk ofisimizin qapıları 1996-cı ildə açılandan bəri Orion şirkəti olaraq bölgədəki çoxsaylı şirkətlərə mütəxəssis həlləri təqdim edirik. Son 25 il ərzində minlərlə mühəndis və inşaat işçisini bəzi ən böyük inkişaf layihələrinə yerləşdirdik.
Neft və qaz sənayesi şirkətləri ilə işlədiyimiz təcrübə illərindən yararlanaraq Orion şirkəti BP və Total da daxil olmaqla, bu sahədə fəaliyyət göstərən şirkətlərlə güclü iş əlaqələri qurdu.
UBOC-da yeni iştirakçı
Ölkədəki ən son müştərilərimizdən biri gündən-günə güclənir. ARDNŞ müəssisəsi, Ümid-Babək Əməliyyat Şirkəti (UBOC) 2017-ci ildə Azərbaycanda birləşdirilmiş neft və qaz şirkətidir. UBOC Əməliyyat Şirkəti Xəzər dənizinin Azərbaycan sektorunda kəşfiyyat, istehsal və istismar fəaliyyətləri ilə məşğul olur. Bu şirkətin fəaliyyətləri əsasən Ümid və Babək dəniz blokunda aktiv və perspektivli əraziləri əhatə edir.
Bu yataqlarda əhəmiyyətli dərəcədə ehtiyatların olduğu məlum oldu - Ümid yatağında 200 milyard kubmetr qaz və 30 milyon ton kondensat olduğu təxmin edilir. Bununla yanaşı, Babək perspektiv strukturunun ehtiyatlarında 400 milyard kubmetr qaz və 80 milyon ton kondensat olduğu təxmin edilir. Bu irimiqyaslı yataqların kəşfi bölgə üçün böyük əhəmiyyətə malikdir və illərlə gəlirli olacağını sübut edir.
Ümid-Babək layihəsi qaz hasilatını əhəmiyyətli dərəcədə artıracaq, çünki Azərbaycan tələbatın həm yerli, həm də beynəlxalq səviyyədə artdığını görür. Xarici tələbatı ödəmək üçün yenicə tamamlanan TANAP (Trans-Anadolu) boru kəməri bu tədarükləri Avropaya ixrac etməyə imkan verəcəkdir.
Gələcək üçün tərəfdaşlığın yaradılması
Kəşfin həcmini nəzərə alaraq, UBOC-un uzunmüddətli planı boru kəmərində iki yeni platformanın yaradılması ilə adı çəkilən ərazilərin kəşfiyyatını və inkişafını əhatə edir.
UBOC şirkəti davamlı olaraq seçilən, istedadlı və məqsədyönlü insanları – işə uyğun düzgün mütəxəssisləri tapmaq üçün Orion etikasına mükəmməl uyğun gələn dəyərləri axtararaq enerjinin verilməsi problemini etibarlı və davamlı şəkildə əhatə etməyə çalışır. Qlobal təcrübəmizdən və yerli biliklərimizdən istifadə edərək, UBOC-a Azərbaycanda bu yeni neft və qaz hasilatı dövründə lazım olan işçi qüvvəsini cəlb etmək işində dəstək veririk.
İnsanlar bizim biznesimizdir
Növbəti bir neçə il ərzində biz UBOC ilə sıx əməkdaşlıq etmək və Azərbaycanda neft və qaz hasilatını canlandırmaq ilə bağlı iddialı planlarını nəzərdən keçirməyi planlaşdırırıq. Bu layihənin uğur qazanması üçün bir çox neft və qaz sahəsində çalışan mütəxəssislərin işə qəbulu vacibdir. Neft və qaz sektorunda karyera qurmaqla maraqlanırsınızsa və çətin tapşırıqların öhdəsindən gələcəyinizi düşünürsünüzsə, CV-nizi bura yükləyərək bu gün bizimlə əlaqə saxlayın.